طريقه الحصول علي الدرجه النهائيه في التعبير 3ث 2019 pdf (مناسبه ايضا لباقي الصفوف الثانويه والاعداديه)

السلام عليكم ورحمه الله وبركاته 

التعبير بيتقفل .. التعبير بيتقفل .. التعبير بيتقفل 

كررتها 3 مرات عشان اللي بيقولوا مبيتقفلش 

لأ ي بابا اصحي .. والله التعبير بيتقفل بس حضرتك اللي بهيم !!

خطوات كتابه التعبير الصحيح :

1-قدام حضرتك موضوعين .. اختار اللي هتعرف ترغي في اكتر .. اختار اللي هتعرف تفتكرله بيت شعر او آيه قرآنيه

يعني حضراتكم هتاخدوا ف النصوص السنه ف اللغه العربيه نصوص عن الوقت ونصوص عن النفس ونصوص عن الفقر والاسلام 

يبقي لما يجيلك موضوعين ولقيت واحد منهم قريب من النصوص  اللي اخدتها خده علطول ...

2- العناصر اللي هي الافاكار مهمه مهمه مهمه بتدي انطباع حلو للي بيصحح ..

3- حاول تكتب مش اقل من 6 عناصر وحاول ابوس ايدك تتكلم عنهم بمعني انك مش تكتبلي 6 عناصر وتفرح اوي وتكتب الموضوع بعيد عن تقسيمه العناصر .. المصححين بياخدوا بالهم ..

4- متشغبطش .. متشغبطش .. متشغبطش .. اي مدرس بيشوف شغبطه بيقرف من ام الورقه واظن انك كبير كفايه عشان متكتبش كلمه غلط .. لو حصل وكتبت كلمه غلط متشغبطش عليها اعمل عبيط وعديها وكمل موضوع وحضراتكم محظوظين والمصحح مش هياخد بالوا 

5- لما بتشغبط بتلفت نظر المصحح انك كاتب حاجات غلط او موضوع ملغبط .. طب وليه ؟ متشغبطش وخلاص ..فكر ف الكلام قبل م تكتب ي باشا وريح دماغك .. 

6- علامات الترقيم ضروريه بشكل مهم .. خلي بالك منها 

7- النصوص اللي بتحفظها هتفيدك جدا هتستعين بيها ..

دي شويه نقط بسيطه كدا والباقي هتلاقيه ف الملزمه دي 

الملزمه دي ي شباب فيها ازاي تكتب تعبير بشكل صحيح ومظبوط 

كمان فيها اكتر من 30 موضوع تعبير وباذن الله مبيخرجش عنهم الامتحان 

طبعا انت مش فاضي تقرأ ال30 موضوع دلوقت بس كل اللي عليك حملها وسيبها وقت هتحتاجها فيه 

بص ع المواضيع بعنيك وشوف لو موضوع لفت انتباهك انك مش هتعرف تكتب فيه ابقي خش اقرأئه ف اي وقت فاضي هاا فاااضي ..

محتويات الملزمه :

 نقدم لكم ملزمه بسيطة باكثر 30 موضوع جاءوا في الامتحانات ولا يخلوا اي امتحان منهم والطريقة الصحيحة لكتابة اي موضوع تعبير بدون اخطاء والحصول علي الدرجة النهائية فيه بكل سهولة وفيه هذه المذكرة تجد كل ما تحتاجه من استشهادات وعناصر للموضوع ومقدمة وخاتمه والطريقة الصحيحة لكتابة موضوع تعبير مثالي.

تحتوي المذكرة 44 صفحة نوع الملف pdf ي تحتوي المذكرة علي 33 موضوع تعبير ابداعي بالاضافة الي مواضيع التعبير الوظيفي الاساسية كالرسالة والبرقية والاعلان وغيرهم .

فهي تساعدك في معرفة كيفية كتابة موضوع تعبير مثالي بدون اخطاء حيث انه ان اتبعت المذكرة بالحرف فستكون من القلة الذين يحصلون علي الدرجة النهائية في فرع التعبير في مادة اللغة العربية المذكرة صالحة لجميع الصفوف التعليمية من المرحلة الابتدائية وحتي المرحلة الثانوية وانصح بها وبشدة طلبة الصف الثالث الثانوي يمكنك تحميل المذكرة من الرابط اسفل الموضوع 

التحميل : 

الحجم : 2 ميجا pdf 

من هنا