السلام عليكم ورحمة الله وبركاته
تم بدء التسجيل لاختبارات القدرات من بوابه التعليم العالي
ايه هو اختبار القدرات ؟
دي زي شوية اسئله بتقيم مدي المامك بمجال الكليه اللي هتخشها ، وغالبا بتبقي بسيطه مش غبية يعني بخلاف الرسم لو مطلوب منك ترسم ومظنش هيكون في حد عايز يخش فنون جميله علي سبيل المثال ومبيعرفش يرسم مثلا او ميعرفش اسماء الفنانين الكبار وبعض اسماء لوحاتهم ، ولاول مره تم وضع اختبار للالاحاق بكليه الاعلام وهتبقي معلومات عامه بسيطه يعني .
ايه اهمية اختبار القدرات؟ وهل هي ضروريه ؟
اه ضروريه لانك مش هتقدر تلتحق بالكليه اللي ليها اختبار الا في حالتين لازمين معا وهما انك تجيب مجموع الكليه طبعا بالاضافه الي انك تجتاز درجه النجاح ف اختبار القدرات يعني تنجح ف الاختبارات وتجيب مجموع الكليه
طيب ايه هي الكليات اللي ليها اختبار قدرات ؟
التربية الرياضية للبنين والبنات وكليات الفنون التطبيقية والفنون الجميلة والتربية الموسيقية وكليات الإعلام لأول مرة.
وهنعمل ايه ؟والتسجيل اخره امتي؟
هتسجل من الموقع اللي طرحته وزارة التعليم العالي واخرمعاد للتسجيل يوم 20 من الشهر الجاري 20/7
هنسجل ازاي ؟
1- رابط التسجيل : من هنا
2-اختر نوع شهادة الثانوية، ويشار إلى أنه لا يتاح حاليا التسجيل إلا لطلاب المدارس الثانوية العامة نظام واحد حديث.
3-ابدأ بكتابة البيانات التي تطلب منك وهي رقم الجلوس والرقم القومي وفي الخانة الأخيرة انسخ الرقم المكتوب واضغط على زر دخول.
4-في النافذة التالية اختر المحافظة والإدارة التعليمية التابع لها والمدرسة والشعبة العلمية التي درست بها «علمية- أدبية- هندسية».
5-ستظهر لك قائمة بأنواع اختبارات القدرات المتاحة والكليات والأماكن المخصصة لأداء هذه الاختبارات والمواعيد المحددة، فاختر منها ما يناسبك.
6-عقب الانتهاء من عملية التسجيل قم بطباعة الإيصال الذي يظهر فيه نوع اختبار القدرات الذي تقدمت لأدائه وموعد ومكان الاختبار.
اي مشكله يرجي ترك تعليق هنا او مراسلتنا عبر صفحتنا في الفيسبوك
تابعونا لمعرفه موعد ظهور النتيجه + روابط النتيجه
No comments:
Post a Comment